رخامة

- ليه الصعيدي بيحط جنبه كبايه شاي وهو نايم ؟
علشان الشاي منبه
- طب وليه بيحط جنب كبايه الشاي فنجان قهوه ؟
علشان لو الشاي ما رنش
- وليه بيحط جانبه كبايه ميه فاضيه وكبايه مليانه ؟
عشان ممكن يشرب وممكن ما يشربش
- وليه بيحط ملح علي راسه ؟
علشان يبقي حدق
- وليه بيحط سكر علي الكرسي قبل ما يقعد ؟
علشان تبقي قعدته حلوه

- واحد شرب بنزين راح جري علي المستشفي ولما وصل المستشفي وقع علي الباب ليه ؟
البنزين خلص

- ليه النمله بتقعد جنب البحر وهي بتقرأ ؟
علشان تبل ايدها كل ما تيجي تقلب الصفحه
- وليه ما بتاخدش الفيل قصادها علي العجله ؟
علشان بيقعد يلعب في الجرس
- وليه ما بينزلوش البحر في وقت واحد ؟
علشان ما فيش معاهم غير مايوه واحد
- وليه النمله ما بتنامش جنبه ؟
علشان الشيطان شاطر
- ازاي نحط فيل في ازازه ؟
نزقه وهو بيشرب
- ازاي نعدي الفيل من خرم الابره ؟
نزحلقه علي الفتله بس لازم الاول نفك العقده اللي في ديله
- ليه القطنه مش هتدخل النار ؟
علشان مدام نظيفه قالت القطنه ما بتكدبش
ليه الموسه ما راحتش ميعاد الموس ؟
علشان كانت ناسيت
- طب ليه ما راحتش الميعاد اللي بعده ؟
علشان كانت ناسيت تو
ايه الحاجه اللي بتطفو فوق سطح الميه وأول حرف منها ح ؟
حته خشبه
ايه الحاجه اللي بتطفو فوق سطح الميه وأول حرف منها ب ؟
برضه حته خشبه
- ايه الحاجه اللي بتطفو فوق سطح الميه وأول حرف منها ن ؟
نفس حته الخشبه
- ايه الحاجه اللي بتطفو فوق سطح الميه وأول حرف منها هــ ؟
هي هي حته الخشبه
- ايه الحاجه اللي بتطفو فوق سطح الميه وأول حرف منها أ ؟
انت ما بتتعلمش ؟ ما قلت لك حته الخشبه

واحد راح يوّكل محامى....... لقاه صايم. !!

· واحد رمى يمين الطلاق على مراته ماجاش فيها.!!

· واحد باع اللى وراه واللى قدامه واشترى اللى جنبه. !!

· ليه الخشب يتيم؟....... لأنه مقطوع من شجرة.!!

· واحد عدّاه العيب خد اللي بعده. !!

. مدرس رياضيات خلّف ولدين و استنتج التالت.!!

· واحد مشغول اتجوز واحدة مشغولة خلّفوا ولد مش فاضيلهم !!

· واحدة اتجوزت واحد شخصيته مهزوزة . ركبت له أريال !!

· دكتور اسنان اشترى عود قصب لقاه مسوس حشاه !!

· واحده بلدياتنا قالت لجوزها قولى كلمه حلوه ، قال لها بسبوسه .. قالت له يا اخى قولى كلمه تهزنى ، قال لها مرجيحه .. قالت له قولى كلمة احس فيها انى مراتك قال لها انتى طالق !!

·خبير ارصاد جويه ... اتجوز وخلف بنتين الكبري 27 والصغري 13 !!

·واحدة سودة قوي ركبها عفريت حاولوا يطلعوه قالهم نفسي أطلع بس مش شايف ..!!

·واحدة بتقول لحبيبها أهلي مسافرين والبيت فاضي قالها أقري قرآن ومتخفيش .!!

·صعيدي ربح مليون خافوا يبلغوه يموت مصدوم .. قال العمده أنا أقوله.قال يا محمدين لو ربحت مليون حتعمل بيهم إيه؟ قال:أديك نصهم ... مات العمدة ! !

·ولد بيسأل أبوه: هي الحمير بتتجوز؟ قاله :يا بني مبيتجوزش أصلاً غير الحمير !!

·مسطول صدم شرطي وموته راح متصل بـ122 وقالهم:أحب أبلغكم إنكم بقيتوا 121.!!

·واحدة بتقول لجوزها اطرد السواق كان حيموتني مرتين في حادثة قال لها خلينا نديه فرصة ثالثة !!...

·محشش بيسأل محشش التعلب بيولد ولا بيبيض قاله التعلب مكار توقع منه أي حاجة !!

·التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد!!

·واحد ابنه طلع من الأوائل ... شفّروه ! !

.في واحد معاه أرنب عايز يبيعه جاه واحد محشش وقال له بكام القرد ؟ رد عليه .. يا أخي دا أرنب مش قرد .. قال المحشش يابو الشباب أنا بأسأل الأرنب ما سألتكش إنت !!...

.مرّة واحدة صعيدي طلعله المارد بتاع مصباح علاء الدين , وقاله اطلب اي حاجه احققهالك , قاله عايزك تعملي كوبري من هنا لحد نيويورك , قاله ايه ده مقدرش اطلب حاجه تاني , قاله عايزك تخلي الصعايده يفهموا شويه , قاله انت قولتلي عايز الكوبري رايح جاي ولا رايح بس ؟!!

.واحد منحوس خبطته عربية مات روحه طلعت خبطتها طيارة !!

.واحد محفظته ضاعت منه بيدوّر عليها لقى بتوع المترو بيحفروا قالهم شدوا حيلكوا يا رجالة هى سودا وبسوستة !!